ದೋಸೆ ಎಂಬ ಮಾಯೆ..!

 ಕೆಲವೊಮ್ಮೆ ಈ ಅಫೀಸ್​   ಜಂಜಾಟದಲ್ಲಿ ಕಳೆದುಹೋದ್ರೆ ಏನು ನೆನಪಾಗೋದೆ ಇಲ್ಲ.  ಹೂಂ ನಿನ್ನ ಕೂಡ ಹೀಗೆ ಬಿಡುವಿಲ್ಲದಷ್ಟು ಕೆಲಸ . ಪಾಪ ಈ  ನನ್ನ ಪುಟ್ಟ ಕೈಗಳು ಅದೇಷ್ಟು ಕೆಲಸ ಮಾಡಿಸ್ತಾಳೆ ಅಂತ ಬೈಕೊಂಡ್ವೋ ಏನೋ  . ಕಿಲೀಮಣೆಗಳ ಮೇಲೆ  ಬೆರಳುಗಳು ಓಡಾಡ್ತಿದ್ರೂ ಹೊಟ್ಟೆ ಮಾತ್ರ ಹಸಿವಾಯ್ತು ನಮಗೆ ಏನಾದ್ರೂ ತಿಂಡಿ ಕೊಡು ಅಂತ ಜೋರಾಗಿ ಕಿರುಚ್ತಾ ಇದ್ವು. 
ಸ್ವಲ್ಪ ಸುಮ್ಮನಿರು ಏನಾದ್ರೂ  ಕೊಡಸ್ತಿನಿ ಅಂತ ಹಸಿವಾದ ಹೊಟ್ಟೆಗೆ ಗದರಿದೆ . ಮತ್ತೆ ಯಾಕೋ ಕೆಲಸ ಮಾಡೋಕೆ ಮನಸ್ಸಾಗಲೆ ಇಲ್ಲ .ಕಂಪ್ಯೂಟರ್​ ಅನ್ನೋ ಫ್ರೇಂಡ್​ನಾ ನಾಳೆ ಮೀಟ್​ ಮಾಡ್ತಿನಿ ಅಂತ ಹೇಳಿ ಆಫೀಸ್​ನಿಂದ   ಹೋರಬಂದೆ .
ಸಂಜೆ ಟೈಂ ಬೇರೆ , ಹೊರಗಡೆ  ಸಣ್ಣಗೆ ಮಳೆ ಬರ್ತಾ ಇತ್ತು ,ಮಾರುದ್ದದ ಟ್ರಾಫಿಕ್​ ,  ಕಲರ್​ ಕಲರ್​ ಲೈಟ್​ಗಳು  , ಮಳೆಗೆ ಬೈತಾ ಓಡಾಡೋ ಒಂದಿಷ್ಟು ಜನ   , ಆ ಮಳೆಲ್ಲೂ ತಮ್ಮ ವ್ಯಾಪಾರ ಮುಂದುವರೆಸ್ತಾ ಇರೋ ಪಾಪದ ಜೀವಗಳು ಅಬ್ಬಾ ಹೊರಗಡೆ ಕಾಲಿಡ್ತಾ ಇದ್ದ ಹಾಗೆ ಏನೆನೆಲ್ಲಾ ಕಾಣಿಸಿಬಿಟ್ತು ಈ ಕಣ್ಣಿಗೆ ..!  
   ಈ ಹಸಿವಾದ ಹೊತ್ತಲ್ಲಿ ಏನ್​ ತಿನ್ಬೇಕು ಅನಿಸಿದಾಗೆಲ್ಲ ನಂಗೆ ನೆನಪಾಗೋದು ಮಸಾಲ ದೋಸೆ . ಅದ್ರಲ್ಲು ಫುಟ್​​ಪಾತ್​ನಲ್ಲಿ ಮಾಡೋ ಮಸಾಲ ದೋಸೆ ಅಂದ್ರೆ ನಂಗೆ ಸಿಕ್ಕಾಪಟ್ಟೆ ಇಷ್ಟ . ಊರಲ್ಲಿದ್ದಾಗ ಸತ್ಕಾರ್​ ಹೊಟೆಲ್​ನಲ್ಲಿ ಯಾವಾಗ್ಲೂ ಮಸಾಲ ದೋಸೆನೆ ತಿಂತಿದ್ದೆ . ಈ ಬೆಂಗಳೂರಿಗೆ ಬಂದ್​ಮೇಲೆ ಅದ್ಯಾಕೋ ಆಫಿಸ್​ ಹತ್ರ ಇರೋ ಯಾವ್​ ಹೋಟೆಲ್​ನಲ್ಲೂ ಮಸಾಲ ದೋಸೆ ಅಷ್ಟಾಗಿ ರುಚಿಸ್ಲೇ ಇಲ್ಲ . ಆವತ್ತೊಂದ್​ ದಿನ  ಹೀಗೆ ನೆಡ್ಕೊಂಡ್​ ಹೋಗುವಾಗ ಪಾರ್ಕ್ ಹತ್ರ ಇದ್ದ ದೋಸೆ ಅಂಗಡಿಗೆ  ಹೋಗಿ ಮಸಾಲ ದೋಸೆ ತಿಂದೆ ಅದೇನ್​ ರುಚಿ ಅಂತೀರ . ..! 
   ಬಿಸಿ ಬಿಸಿಯಾದ ಕಾವಲಿ ಮೇಲೆ ದೋಸೆ ಹುಯ್ದು ಅದರ ಮೇಲೆ  ಖಾರದ ಪುಡಿ ಉದುರಿಸಿ , ದೋಸೆ ಮಧ್ಯ ಆಲೂಗಡ್ಡೆ ಪಲ್ಯ ಇಟ್ಟು , ದೋಸೆ ಸುತ್ತಲೂ ಒಂದೆರಡು ಚಮಚ ತುಪ್ಪ ಹಾಕಿ ದೋಸೆನ ಮಾಡಿಕೊಟ್ಟು  ಚಟ್ನಿ , ಸಾಂಬಾರ್​​ ಜೊತೆ ತಿನ್ನೋಕೆ ಕೊಟ್ರೆ ಅಬ್ಬಾ ಅದರ ಮಜನೇ ಬೇರೆ  , ಅದ್ರಲ್ಲೂ ಈ ದೋಸೆ ಜೊತೆ  ನೊರೆನೊರೆಯಾದ ಕಾಫಿ ಇದ್ರೆ ನಾನಂತು ಹಾಗೆ ಹಾಗೆ ಕಳೆದುಹೋಗ್ತೀನಿ . 
     ದೋಸೆ ತಿನ್ನೋವಾಗೆಲ್ಲ ಅಂದ್​ಕೊಳ್ತಿನಿ ನಮ್ಮ ಲೈಫ್​ ಕೂಡ ಈ ಮಸಾಲ ದೋಸೆ ಹಾಗೆನಾ ಅಂತ .ಒಮ್ಮೊಮ್ಮೆ ಖಾರವಾಗಿದ್ರೆ ಈ ಲೈಫ್​ ಮತ್ತೊಮ್ಮೆ ತುಂಬಾ ಸ್ವೀಟ್​ ಅನಿಸಿಬಿಡುತ್ತೆ   . ಕೆಲವೊಮ್ಮೆ ಖಾಲಿ ದೋಸೆ  ತರಾ ಈ ಲೈಫ್​  ಇದ್ರೆ ಇನ್ನೊಮ್ಮೆ ಬೆಣ್ಣೆ  ದೋಸೆ ಹಾಗೆ ಆಗುತ್ತೆ  . ಅದೇಷ್ಟು ಜನರನ್ನಾ ಮೀಟ್​ ಮಾಡ್ತಿವಿ . ಕೆಲವೊಬ್ರು ಈ ದೋಸೆ ತರಾ ಇಷ್ಟವಾದ್ರೆ ಇನ್ನು ಕೆಲವರು ದೋಸೆ ಜೊತೆ ಕೊಡೋ ಸಾಂಬಾರ್​ ಹಾಗೆ ಇಷ್ಟವೇ ಆಗಲ್ಲ . ಮತ್ತೆ ಕೆಲವ್ರೂ ಚಟ್ನಿ ತರಾ ಬೇಕೊ ಬೇಡವೊ ಅವರ ಜೊತೆ ಇರಬೇಕು ಅನಿಸುತ್ತೆ . ಅದ್ಯಾಕೆ ಈ ಪುಟ್ಟ ತಲೆಲ್ಲಿ ಇಷ್ಟೆಲ್ಲಾ ಯೋಚನೆಗಳು ಬರುತ್ವೊ  ನಂಗಂತು ಅರ್ಥವೆ ಆಗಿಲ್ಲ ನೋಡಿ  .  ದೋಸೆ ಮಾಡ್ಬೇಕು ಅಂದ್ರೆ ಅದರ ಹಿಟ್ಟು ಚೆನ್ನಾಗಿಬೇಕು . ಹಿಟ್ಟು ಚೆನ್ನಾಗಿ ಇದ್ರೆ ತಾನೇ ದೋಸೆ ರುಚಿ ಹೆಚ್ಚೊದು. ಇಲ್ಲದೆ ಹೊದ್ರೆ ದೋಸೆಗೆ ರುಚಿನೆ ಇರೋಲ್ಲ . ಮನುಷ್ಯರಾದ ನಾವ್​ಗಳು ಕೂಡ ಈ ದೋಸೆ ಹಿಟ್ಟಿನ ಹಾಗೆ ಪಕ್ವವಾಗ್ಬೇಕು ಇಲ್ದೆ  ಹೋದ್ರೆ ಲೈಫ್​ನಲ್ಲಿ ಅಂದ್​​ಕೊಂಡಿದ್ದನ್ನ ಮಾಡೋಕೆ  ಆಗೋದೆ ಇಲ್ಲಾ  ಅಲ್ವಾ..!    ಈ ಮಸಾಲ ದೋಸೆ ಹಿಟ್ಟು ಖಾಲಿ ಆದ್ರೂ ನನ್ನ ಮಾತುಗಳಂತು ಮುಗಿಯೋದೆ  ಇಲ್ಲ ಬಿಡಿ . ನೀವು ಹೋಗಿ ಮಳೆ ಬರ್ತಾ ಇದ್ರೆ ಬೆಚ್ಚಗೆ ಕೂತು  ಗರಿ ಗರಿಯಾದ ದೋಸೆ ತಿಂದು  ನಿಮ್ಮ ಲೈಫ್​ನೊಮ್ಮೆ ​ ಲೈಟಾಗಿ ರಿವೈಂಡ್​ ಮಾಡ್ಕೊಬನ್ನಿ . 

ಮೇಘಾ ಸಂತೋಷ್