Do you have a passion for writing?Join Ayra as a Writertoday and start earning.

ಎಚ್ಚರಾಗು ಓ ಮನುಜ

ಜಲದಳಲು

ProfileImg
18 Apr '24
1 min read


image

ll ಎಚ್ಚರಾಗು ಓ ಮನುಜ ll

ಜಲಲ ಜಲಲ ಜಲಧಾರೆ
ಸುರಿಸುಬಾ ವರ್ಷಧಾರೆ
ಕರೆಯು ಕೇಳಿಸದೆ ಮಳೆಯ ದೊರೆ
ಕಿವಿಗೊಟ್ಟು ಕೇಳು ನೀ ನಮ್ಮ ಮೊರೆ ||

ತೇಲಿ  ತೇಲಿ ಬಾ  ಮೇಘ ಮಾಲೆ
ಮೈ  ತುಂಬಿ  ಹರಿಯಲಿ ಜೀವನಾಲೆ
ಹಾಡಿ  ನಲಿಯಲಿ  ಸಸ್ಯ ಶ್ಯಾಮಲೆ
ಎದೆ  ತುಂಬಿ  ಹಾಡಲಿ ಕೋಗಿಲೆ ||

ಜಲವೇ  ಬದುಕಿಗೆ ಆಸರೆ
ಉಳಿಸಿ ಕೊಳ್ಳಿರಿ  ಪ್ರತಿ  ಊರ  ಕೆರೆ
ಜಲಮೂಲವ  ಸಂರಕ್ಷಿಸಿರೇ
ತುಂಬಿಹರಿವುದು  ಜೀವ ತೊರೆ  ||

ಹಸಿರ  ಬೆಳೆಸೋಣ  ನೀರ  ಉಳಿಸೋಣ
ಪಕ್ಷಿ  ಸಂಕುಲವ  ಬೆಳೆಸೋಣ
ಜೀವ  ಸಂಕುಲ  ಸಂರಕ್ಷಿಸೋಣ 
ಮಾನವತೆಯ  ಮೆರೆಯೋಣ  ||

ಬಿಂದು ಬಿಂದು ಜಲ ಅಮೃತವು
ಇದನು ಮರೆತರೆ ನೀ ಮೃತವು
ಹಸಿರು ನಗುತಿರೆ ಜಗದುಳಿವು
ಕಾಂಕ್ರೀಟು ನಾಡಿನಲಿ ಜಗದಳಿವು ||

ಎಚ್ಚರಾಗಲೋ ಎಲೆ ಮನುಜ  ||
ಬಿತ್ತದಿರು  ವಿಷದಾ ಬೀಜ
ಅರಳಿ ನಲಿಯಲಿ ಅಂಬುಜ
ಜಗದುಳಿವಿಗೆ  ನೀನಾಗು ಅಗ್ರಜ ||


✍🏻 ವಿಜಯಲಕ್ಷ್ಮಿ ನಾಡಿಗ್ ಮಂಜುನಾಥ್ ಕಡೂರು

Category : Verse


ProfileImg

Written by Vijayalakshmi Nadig