Do you have a passion for writing?Join Ayra as a Writertoday and start earning.

ಇಪ್ಪತ್ತರ ಹರೆಯ

ಇದು ಇಪ್ಪತ್ತರ ಹರೆಯ

ProfileImg
18 May '24
1 min read


image

ಎಪ್ಪತ್ತು ದಾಟುವ ಜೀವವೇ ನನ್ನದಲ್ಲ

ಇದು ಇಪ್ಪತ್ತರ ಹರೆಯ ||

 

ನಕ್ಕಾಗ ಜಗ, ಬಿಕ್ಕಿ ಅಳುತ್ತಿದ್ದೆ

ಹೋ..ಅದು ಉದಿಸಿದ ಗಳಿಗೆ

ಆಗ ತಾನೇ ಮೈ ತಡವಿದ್ದೆ

ಆದರೆ,

ಇದು ಇಪ್ಪತ್ತರ ಹರೆಯ |

 

ಬಾರದೆಂದಾ ಸಿಹಿಯು ಬಾಲ್ಯದೊಳಗಾಡಿದ್ದು

ಜೊತೆಗಿದ್ದ ಜೀವಗಳ್ ಇಂದಿಲ್ಲವೆಂದಾಗ

ಕುರುಹುಗಳೇ ಬೂದಿಯೊಳ್

ಹೇ…ಮಣ್ಣಾಗೋ ಹೆದರಿಕೆಯೆ

ಇದು ಇಪ್ಪತ್ತರ ಹರೆಯ ||

 

ಅದೇನಕ್ಕೂ ಅಡಿಪಾಯ ಹಾಸಿಲ್ಲ

ಬರೆದಿಲ್ಲ-ಬಿಡುವಿಲ್ಲ-ಬೆರೆತದ್ದೂ ಇಲ್ಲ

ಬಾಳು ಒಂದೆಂದ ಮೇಲೂ

ಚಿತ್ತಾರ ತುಸುವಿಲ್ಲ ;

ಇದು ಇಪ್ಪತ್ತರ ಹರೆಯ |

 

ಹಸಿದಾಗ ಉಂಡದ್ದು-ಬೇಕೆಂದ ಪಡೆದದ್ದು

ಸದ್ದು ಗದ್ದಲದೊಳಗೂಡಿ ಬೆಳೆದದ್ದು

ಗೆಜ್ಜೆ ಕೇಳಿಸಲೇ ಇಲ್ಲ

ಸನಿಹವಾಗುತಿದೆ ಸರದಿ

ಇದು ಇಪ್ಪತ್ತರ ಹರೆಯ ||

 

ನಿಲ್ಲುವುದು ಈ ಮನವು

ನಿಲ್ದಾಣದಲ್ಲೊಮ್ಮೆ ತಿರುಗಿ

ನೆನಪೇಗೆ ನಿಮಗಾಗುವುದೋ ಅರಿಯೆ

ನೆನಪಿಸುವೆ  ‘ನಾ’

ಇದು ಇಪ್ಪತ್ತರ ಹರೆಯ |

 

ಹತ್ತಾರು ಮನದೊಳಗೆ ಹುತ್ತ ಕಟ್ಟಲೇಬೇಕು

ಎತ್ತ ಮಿಟುಕಿದರೇನು

ಕುಸಿದ ಹುತ್ತವೂ ಹುಲುಸೇ..

ಹಸುರು ಚಿಗುರಲದಕೆ

ಇದು ಇಪ್ಪತ್ತರ ಹರೆಯ  ||

 

Category:Poem


ProfileImg

Written by Samyakth Jain kadaba