Do you have a passion for writing?Join Ayra as a Writertoday and start earning.

ಎಲ್ಲೋ ಹುಡುಕಿದೆ ನನ್ನೊಳಗಿನ ದೇವರ

ProfileImg
18 Apr '24
1 min read


image

ಚಿತ್ರಕೊಂದು ಕವನ

ಎಲ್ಲೋ ಹುಡುಕಿದೆ ನನ್ನಲಿರುವ ದೇವರ

ನನ್ನೊಳಗೆ ಇರುವ ದೇವರ ಅರಿಯದಾದೆ 
ಹಗಲಿರುಳು ಹುಡುಕುತ ನಾ ಕಾಲ ಕಳೆದೆ 
ನನ್ನೊಳಗೆ ಎಲ್ಲ ಇಹುದೆಂಬುದ ಅರಿಯದಾದೆ 
ದಾಸಾನುದಾಸ  ನಾನಾಗಿ  ಹೋದೆ

ಸುವಿಚಾರವ ಬದಿಗಿಟ್ಟು 
ಆಸೆ ಆಮಿಷಕೆ ಓಗೊಟ್ಟು 
ನನ್ನ ತನವನೇ ಮರೆತುಬಿಟ್ಟು 
ನಾನಲೆದೆನು ಕಂಗೆಟ್ಟು

ಶರೀರ  ಗಟ್ಟಿಮುಟ್ಟಾಗಿತ್ತು 
ಬಾಹು ಬಲ ತುಂಬಿತ್ತು 
ನನ್ನ ನಾನರಿಯಬೇಕಿತ್ತು 
ಕಟ್ಟುಪಾಡುಗಳ ಕಿತ್ತೊಗೆಯಬೇಕಿತ್ತು

ಇದ್ದುದೆಲ್ಲವ ಮರೆತು ಇಲ್ಲದಿರುವುದನರಸಿ 
ದೇಶ ಸೇವೆಯ ಮರೆತು ಸ್ವಾರ್ಥ ಹಿತವನು ಬಯಸಿ 
ಕೂಪದೊಳಗೆ ನನ್ನ ನಾನೇ ಬಂಧಿಸಿ 
ಕಳೆದು ಹೋದೆ ನನ್ನೊಳಗೆ ನಾನೇ ದಹಿಸಿ

ಕಾಲ ಮಿಂಚಿಲ್ಲ ಇಂದು ಎಚ್ಚರಾಗಿಹೆನು 
ಆತ್ಮ ನಿರ್ಭರ ಭಾರತ ಎಂಬುದನು ಬಲ್ಲೆನು
ಸ್ವಾಭಿಮಾನದಿ ಎನ್ನ ನೆಲೆಯಕಾಣ್ವೆನು 
ಎನ್ನೊಳಿರುವ ದೈವವನು ನಾನೆ ಪೂಜಿಪೆನು

✍🏻  ವಿಜಯ ಲಕ್ಷ್ಮಿ  ನಾಡಿಗ್  ಮಂಜುನಾಥ್  ಕಡೂರು

Category : Poetry


ProfileImg

Written by Vijayalakshmi Nadig