ದೇವರ ಸ್ತುತಿ

ಶಾರದೆಗೆ ಮೊರೆ 

ಜಗನ್ಮಾತೆಯ ಚರಣ ಕಮಲಗಳಲಿ ಭಕ್ತಿಯಿಂದ ನಮಿಸುವೆನು ಅಕ್ಷರಗಳ ಕೂಡಿಸಿ ಪದಗಳನು ಪೊೋಣಿಸಿ ಗೀತಮಾಲೆಯ ಅರ್ಪಿಸುವೆನು ಶ್ರಧ್ಧಾ  ಭಕ್ತಿಯಿಂದ ಅರಿವಿದ್ದಷ್ಟು ಸ್ತೋತ್ರ ಮಂತ್ರಗಳ ಪಠಿಸುವೆನು 

ಬ್ರಹ್ಮನ ರಾಣಿಯೇ ಕರುಣೆಯನು ತೋರಮ್ಮ 
ನಿನ್ನ ಚರಣದಿ ಶಿರವ ಬಾಗುತ ನಮಿಸುವೆನಮ್ಮ‌
ವೀಣಾಪಾಣಿಯೆ ಆದಿಶಂಕರರ ಶೃಂಗೇರಿಯಲಿ ನೆಲೆಸಿಹೆಯಮ್ಮ 
ಶಾರದೆಯೆ ಅಭಯ ನೀಡುತ ಒಲಿದು ಸಲಹಮ್ಮ

ಕನ್ನಡಾಂಬೆಯ ಸೇವೆಗೈಯಲು ನಿನ್ನ ಭಜಿಸಿ ಸ್ತುತಿಸುವೆನು
ಮೂಢಳು ನಿನ್ನ ದಯೆಯಿಂದ ಪ್ರೌಢರ ಕೂಡಿಹೆನು
ತಪ್ಪುಒಪ್ಪುಗಳ ತಿದ್ದಿಕೊಳುತ ನೋಡಿ ಕಲಿವೆನು
ತಾಯೆ ಸರಸ್ವತಿಯೆ ನಿನ್ನ ಕೃಪೆಗಾಗಿ ನಮ್ರತೆಯಲಿ ಬೇಡಿಹೆನು

ಪಾಮರಳು ನಾನು ಪೂಜೆಯ ಸ್ವೀಕರಿಸಿ ಉದ್ಧರಿಸಮ್ಮ 
ಪುಸ್ತಕಪಾಣಿಯೆ ವಿದ್ಯಾದೇವಿಯೆ ಆಡಂಬರವ ಅರಿಯೆನಮ್ಮ
ಅಕ್ಷರ ಪುಷ್ಪಗಳ ಅರ್ಚಿಸಿ ಪದಗಳ ಮಾಲೆ ಅರ್ಪಿಸುವೆನಮ್ಮ
ಅಜ್ಞಾನದ ತಿಮಿರನು ತೊಡೆಯಲು ಜ್ಞಾನ ಜ್ಯೋತಿಯ ದಯಪಾಲಿಸಮ್ಮ

ಹರಿ ನೀ ಹರಿ

ಮನದೊಳೆನ್ನ ಮನೆ ಮಾಡಿ ನೀ ದುಃಖ ದುರಿತಗಳ ದೂರ ಮಾಡೋ ಮಾಧವ
ಕೃಪೆಯ ತೋರಿ ಕೈಹಿಡಿದೆನ್ನ ಕಾಪಾಡೋ ಕರುಣಾಳು ಗಿರಿಧಾರಿ

ಭಜಿಸುವೆನು ನಿನ್ನ ಅನವರತ ನೀನೆನ್ನ ಕಾಯೋ ಅನುಕ್ಷಣವೂ ಅನಿರುದ್ದನೇ
ಜಗದೆಲ್ಲಾ ಕ್ಲೇಷ ಕಳೆದು ಅಭಯವನ್ನಿತ್ತು ಉದ್ದರಿಸೆನ್ನ  ವಾಸುದೇವನೇ

ಸ್ತೋತ್ರ ಮಂತ್ರಗಳ ಅರಿಯದ ಪಾಮರಳು ನಾನು ಪಾಲಿಸೆನ್ನ ಶ್ರೀ ಹರಿಯೇ
ಕೈಮುಗಿದು ಬೇಡುವೆ  ಮನ್ನಿಸೆನ್ನ ತಪ್ಪುಗಳ ನೀ ನಾರಾಯಣನೇ

ಕಷ್ಣಗಳ ಕಳೆದು  ಭವರೋಗದಿಂದೆನ್ನ ಬಿಡಿಸೊ ಮೋಕ್ಷಕಾರಕ ಗಜೇಂದ್ರನೇ
ನಷ್ಣಗಳ ಭರಿಸಿ ಬದುಕಲಿ ನೆಮ್ಮದಿಯ ನೀಡಿ ಹರಸೆನ್ನನು ಶ್ರೀ ಕ್ರಿಷ್ಣನೇ

ಅಚ್ಚುತಮ್ ಕೆೇಶವಮ್ ಕ್ರಿಷ್ಣ ದಾಮೋದರಾಮ್ ಶ್ರೀಧರಮ್ ಮಾಧವಮ್ ರಾಮನಾರಾಯಣಂ ಜಾನಕೀವಲ್ಲಭಮ್ ನಮಃ 

ರಚನೆ 👉 🖌 ಅರುಲಿಕೆ