ಈ ನೆನಪುಗಳೇ ಹಾಗೆ!!
ಈ ನೆನಪುಗಳೇ ಹಾಗೆ ಕನಸು ಹೊತ್ತ ಕಂಗಳಿಗೆ
ನಿದ್ರೆ ದಯೆಪಾಲಿಸದ ರಾತ್ರಿಗಳಂತೆ !!
ಈ ನೆನಪುಗಳೇ ಹಾಗೆ ಮುಷ್ಠಿ ಬಿಗಿ ಹಿಡಿದಷ್ಟು
ಕೈಯಿಂದ ಜಾರುವ ಮರಳಿನಂತೆ !!
ಈ ನೆನಪುಗಳೇ ಹಾಗೆ ಸದಾ ತನ್ನ ಅಸ್ಮಿತೆಯ
ಹುಡುಕಾಟದಲಿ ಅಲೆಯುವ ಹೆಣ್ಣು-ಹೃದಯದಂತೆ !!
ಈ ನೆನಪುಗಳೇ ಹಾಗೆ ಚಿಟ್ಟೆಗಳಾಗಿ ಹಾರದೆ
ಬರಿ ಬಯಕೆ ಹೊತ್ತೆ ತೆವಳುವ ನತದೃಷ್ಟ ಹುಳುಗಳಂತೆ !!
ಈ ನೆನಪುಗಳೇ ಹಾಗೆ ನೀರೂಣಿಸಿದ ಕೈಗಳಿಂದಲೇ
ಕುತ್ತಿಗೆ ಕುಯ್ಯುವ ಕಟುಕನಂತೆ !!
***** ಶಕೀಲ್ ಉಸ್ತಾದ್, ಹಟ್ಟಿ