Do you have a passion for writing?Join Ayra as a Writertoday and start earning.

ಇಲ್ಯಾರಿಗೂ ಠಿಕಾಣಿ ಇಲ್ಲ

ಬದುಕು ಸಾಗುತಿರಲಿ - ಕವಿತೆ



image

ಕದ್ದು ತರುವುದರಲ್ಲಿ ಸುಖವಿರದು
ಕೊಂದು ಪಡೆಯುವುದು ಸ್ವಂತವಾಗದು
ಪರರ ಹಿತ ಕಸಿಯಬೇಡ
ಬೇರೊಂದ ನೀ ಬೇಕೆನ್ನಬೇಡ

ಸಿಲುಕಬೇಡ ಆಸೆಯ ಸುಳಿಗೆ
ಹಿಂಡುವುದು ನಿನ್ನನೇ
ಮೆರೆಯಬೇಡ ಒಂದೂ ಘಳಿಗೆ
ಬೆಂಡಾಗದು ನಿನ್ನ ಮುಂದೆ

ಬದುಕಲು ಬೇಕಿಲ್ಲ ವೈಭೋಗ
ವೈಭೋಗದ ಬದುಕಿಗೆ ಆಸ್ತಿ ಬೇಕಿಲ್ಲ
ವೈರಾಗ್ಯ ವೇತಕೆ ಸಹಮನುಜರೊಡನೆ
ಪ್ರೀತಿ ಹಂಚುತಾ ಸಾಗತಿರು ಎಲ್ಲೆಡೆ

ನಿಲ್ದಾಣವಲ್ಲವಿದು ಕಾಯಬೇಡ
ಸಾಗುತಲಿರು ನಿಲ್ಲಬೇಡ
ಬದುಕೊಂದು ನೆಲೆ, ಬದುಕುವುದೊಂದು ಕಲೆ
ಇರುವುದರೊಳಗೆ ಸಾಗುವುದು ಭಲೇ

ಇರುವಾಗಲೂ ಏನಿಲ್ಲ
ಕೊಂಡಯ್ಯಲೂ ಆಗಲ್ಲ
ವಿರಮಿಸುವ ಜಾಗವಿದು
ಠಿಕಾಣಿ ಇಲ್ಯಾರಿಗೂ ಇಲ್ಲ

ಸಿಗದ ನೆನೆದು ಕೊರಗಬೇಡ
ಬದುಕು ಬರಡಾಗದಿರಲಿ
ಏನಾದರೂ ಮಾಡುತ ಸಾಗುತಿರು
ನೀ ಮಾಡುವುದ ಅನ್ಯರು ನೆನೆಯುವಂತಿರಲಿ

Category : Poem


ProfileImg

Written by ಎಂ.ಡಿ.ಯುನುಸ್

Verified

ಪತ್ರಕರ್ತ, ಲೇಖಕ ಹಾಗೂ ಸಂದರ್ಶಕ