ಇನ್ನೆಷ್ಟು ಪ್ರೀತಿಸಲಿ ನಿನ್ನ...?

ನನ್ನಲ್ಲಿ ನಾನಿಲ್ಲ ಕಳೆದೇ ಹೋಗಿರುವೆ ಅಂದೆ

ಇನ್ನೂ ಹುಡುಕಾಟದಲ್ಲಿರುವೆ ನಾನು ನನ್ನ

ಅದೇನೋ ನಾ ಕಾಣೆ, ನಿನ್ನ ಪ್ರೀತಿ ನನ್ನ ಬದುಕಿನ ಗಮ್ಯ

ನನ್ನ ಉಸಿರಿಗೆ ನಿನ್ನ ನಗುವೇ ಚೇತನ

ಇದು ಪ್ರೀತಿಯೋ? ಅದಕ್ಕೂ ಮಿಗಿಲಾದ ಭಾಂದವ್ಯವೋ? ನಾ ಕಾಣೆನು

ಏನೆಂದು ಹೆಸರಿಡಲಿ ಇದಕೆ...

ನೀ ನನ್ನ ಗೆಳೆಯನೇ? ಇನಿಯನೋ? ಅರಸನೋ? ರಾಜಕುಮಾರನೋ? 

ಹೇ ಹೃದಯವೇ ಹೇಳು ಯಾಕಿಷ್ಟು ಹತ್ತಿರವಾದೆ ನನ್ನುಸಿರಿಗೆ....?

ಕ್ಷಣ ಕ್ಷಣಕೂ ಎತ್ತರಕೆ ಸಾಗುತಿದೆ ಈ ಪ್ರೀತಿಯ ಪಯಣ

ದೇಹಗಳ ಮಿಲನಕೂ ಮಿಗಿಲಾದ ಅಂತಃಕರಣ

ಒಮ್ಮೆ ಮರೆಯಬೇಕಿದೆ ಜಗವನೆ

ಒಮ್ಮೆ ಸೇರಬೇಕಿದೆ ನಾ ನಿನ್ನನೇ

ಇಬ್ಬರೊಬ್ಬರಾಗುವ ಎಲ್ಲ ಎಲ್ಲೆ ಮೀರಿ ಹೋಗುವ ದೂರಕೆ

ಯಾರು ಇಲ್ಲದ ಪ್ರಶಾಂತ ನಿಸರ್ಗದ ಮಡಿಲಲಿ ಪುಟ್ಟ ಗುಡಿಸಲಲಿ ದಾಂಪತ್ಯದ ಸೊಗಸಾದ ಹಾಡುವ ಆಸೆ

ಹೇಳು ಹೃದಯವೇ, ಇನ್ನೆಷ್ಟು ಪ್ರೀತಿಸಲಿ ನಿನ್ನ....