ಪರಮಾತ್ಮನ ಸೃಷ್ಟಿಯ ಸೊಬಗು,
ಕಣ್ತುಂಬಿಕೊಳ್ಳಲಾರದಷ್ಟು ಬೆರಗು.,
ವರ್ಣಿಸಲು ಪದಗಳೇ ಸಾಲದು ಬೆಳಗಿನ ಸೊಬಗು..
ಮಳ್ಳಿ -ಮಳ್ಳಿ ಮಿಂಚುಳ್ಳಿ ಜಾಣ-ಜಾಣ ಕಾಜಾಣ,
ಪೂರ್ವ ಪೂರ ಕೆಂಪಾಯ್ತು, ಗಾಳಿ-ಗಂಧ ಇಂಪಾಯ್ತು,
ದಿನವಿಡೀ ಇದೇಥರ ಇದ್ದರೆಷ್ಟು ಚಂದ, ಚಂದ,
ಏಳಿ-ಏಳಿ ಎಲ್ಲಾ - ಈ ಭೂಮಿಗಾಯ್ತು ಮೆಲ್ಲ,
ಆ ದಿವಾಕರನ ಉದಯ,
ಬಾನಮ್ಮನೊಡಲಾ ಕಂದಮ್ಮಗಳು ಈ ಕೆಂಪಾದ ಮುಗಿಲುಗಳು,
ಆ ಕಂದಗಳನು ತೂಗೋಕೇ ಬರುವ
ತಂಗಾಳಿ ಲಹರಿಗಳು,
ಮನ ದೇವತೆಯ ಶಾಲೆ,
ಮಣಿ ಮಾಲಿಕದ ಮಾಲೆ,
ಈ ಎಲೆ-ಎಲೆ ಹಿಮಗಳ ತಂಗುದಾಣ,
ಮುಂದೆಲ್ಲಿಗೇ ಪಯಣ,
ಆಹಾ! ಮುಂಜಾನೇ ಗಗನ ಎಲ್ಲೆಲ್ಲೂ ಕವನ
ಸಾಲೆಲ್ಲ ಪಕ್ಷಿಗಳು,
ಒಂದೊಂದು ಥರದ -ನೂರೊಂದು ಥರದ ಸ್ವಚ್ಛಂದ ಗಮಕಗಳು,
ನವಿರಾದ ನುಡಿ ವಚನ- ಈ ಪುಟಾಣಿಗಳ ಪಠಣ,
ಈ ಬದುಕಿಗೆ ಪ್ರತಿದಿನ ಸೂರ್ಯನುದಯ
ಆದಾಗ ಹರುಷಮಯ,
ಆಹಾ! ಈ ಬೆಳಗಿನ ಸುಂದರ ಸೊಬಗನ್ನು ವರ್ಣಿಸುವ ಸಾಹಿತ್ಯದ ವಿವರ, ಅದಕ್ಕೂ ಮಿಗಿಲಾಗಿ ಮುಂಜಾವಿನಲ್ಲಿ ಎದ್ದು,
ಚುಮು-ಚುಮು ಚಳಿಯಲ್ಲಿ ಮಿಂದೆದ್ದು,
ಒಂದ್ ರೌಂಡು ಗದ್ದೆ-ಬಯ್ಲಲ್ಲಿ/ಕಾಡು-ಮೇಡಲ್ಲಿ,..ಈ ಮೇಲೆ ವಿವರಿಸಿದ ಇಂಪಾದ ಹಾಡನ್ನ ಹಚ್ಕೊಂಡು, ನಡೀತಾ ಇದ್ರೇ,
ಕವಿಯ ವಾಣಿಯಂತೆ ಆನಂದಮಯ ಈ ಜಗಹೃದಯ
ಏತಕೇ ತ್ವಯಮಾಡೋ ಸೂರ್ಯೋದಯ/(ಚಂದ್ರೋದಯ) ದೇವರ ದಯಕಾಣೋ,
ಆಹಾ! ಆನಂದಮಯ ಈ ಜಗಹೃದಯ,
ಅಬ್ಬಾ! ದೇವ್ರೇ ಏನಪ್ಪಾ ನಿನ್ನ ಸೃಷ್ಟಿ ಎಂದು ಕೈ ಮುಗಿದು ಬೇಡಿಕೊಳ್ಳುವುದೇ ಲೇಸು,
ಈ ಸೊಬಗನ್ನು ಸವಿಯುತ್ತಿರುವ ನಾನು ಈಗಷ್ಟೇ ಕಣ್ಣು ತೆರೆದ ಕೂಸು,
ಈ ಬೆಳಗಿನ ಸಮಯದ /ಮುಂಜಾವಿನ ಸೊಬಗನ್ನು ವರ್ಣಿಸಲು ನನ್ನ ಬರಹಗಳು ಲೆಕ್ಕಕ್ಕೆ ಬಾರದವು ಎಂಬುದನ್ನು ತುಸು ಗಮನಿಸು,
ಇದನ್ನು ಅನುಭವಿಸುತ್ತಿರುವ ನಿನ್ನ ಮೊಗದಲ್ಲಿ ಸದಾಕಾಲ ನಗುವನ್ನು ತುಂಬಿಸು, ಆನಂದವ ಅನುಭವಿಸು,
ನಿನ್ನ ಕನಸುಗಳನ್ನ ನನಸಾಗಿಸು…
ಶಾಂತಾರಾಮ ಹೊಸ್ಕೆರೆ, ಶಿರಸಿ
ಉತ್ತರ ಕನ್ನಡ, 7676106237
Category:Poetry
Written by ಶಾಂತಾರಾಮ ಹೊಸ್ಕೆರೆ,ಶಿರಸಿ
ಬರಹಗಾರ...