ಪ್ರಣವ್ - ಜೋದಾ ಅಕ್ಬರ್ ಪ್ರೇಮವು ನಾನಾ ತಿರುವು ಪಡೆಯುತ್ತಿದ್ದಂತೆ , ಭಾರತದಲ್ಲಿ ದೃಶ್ಯ , ಶ್ರವಣ ಹಾಗೂ ಅಕ್ಷರ ಮಾದ್ಯಮಗಳು ನಾ ಮುಂದು ತಾ ಮುಂದು ಎಂದು ಈ ವಿಚಾರವಾಗಿ ಪ್ರಕಟಿಸುವ ಮೂಲಕ ಪೈಪೋಟಿಗೆ ಬಿದ್ದು ವೀಕ್ಷಕರ ಸಂಖ್ಯೆ ಹಾಗು ತಮ್ಮ ಟಿಆರ್ಪಿ ಅನ್ನು ಆದಷ್ಟು ಹೆಚ್ಚು ಮಾಡಿಕೊಳ್ಳುತ್ತಿವೆ .
ಇದೆ ವಿಚಾರವಾಗಿ ಭಾರತದಲ್ಲಿ A ವಾಹಿನಿಯೊಂದು ಭಾರತದ ಗೃಹಮಂತ್ರಿ ಜೊತೆ ನೇರ ಸಂದರ್ಶನ ನಡೆಸುತ್ತಿದೆ ಬನ್ನಿ ವೀಕ್ಷಕರೇ ಅದರ ನೇರ ಪ್ರಸಾರ ನೋಡೋಣ .
ಭಾರತ ಪಾಕಿಸ್ತಾನಕ್ಕೆ ಸೇರಿದ ಹಿಂದು ಮುಸ್ಲಿಂ ಹುಡುಗ ಹುಡುಗಿಯರ ಪ್ರಣಯದಾಟ ಈ ಬಗ್ಗೆ ನಿತ್ಯವು ಎಲ್ಲ ದೃಶ್ಯ ಶ್ರವಣ ಹಾಗೂ ಅಕ್ಷರ ಮಾದ್ಯಮಗಳು ಹಟಕ್ಕೆ ಬಿದ್ದವರಂತೆ ಏನೆಲ್ಲ ಸುದ್ದಿಯನ್ನು ಪ್ರಸಾರ ಮಾಡುತ್ತಿರುವುದರಿಂದ ಈಗಾಗಲೇ ಸತ್ಯಸಂಗತಿ ಏನೆಂದು ಬಹುಪಾಲು ಎಲ್ಲ ಜನತೆಗು ಅರಿವಾಗಿದೆ . ಹಾಗಾಗಿ ನಾವು ಈ ಬಗ್ಗೆ ಏನನ್ನು ಹೆಚ್ಚು ಹೇಳಬಯಸುವುದಿಲ್ಲ ಎಂಬುದು ಸ್ಪಷ್ಟವಾಗಿರಲಿ .
ಇವರಿಬ್ಬರ ನಡುವೆ ಪ್ರೀತಿಯ ಪಾಠ ಆಟ ನಡೆಯಬಾರದಿತ್ತು . ಆದರೆ ಹೇಗೋ ಏನೋ ನಡೆದು ಹೋಗಿದೆ . ಇದೊಂದು ವಿದಿ ಬರಹ ಅನ್ನಬೇಕೋ ಇಲ್ಲ ಆದದ್ದೆಲ್ಲ ಒಳ್ಳೆಯದಕ್ಕೆ ಅಂದುಕೊಂಡು ನಮಗೆ ನಾವೆ ಹೇಗೋ ಸಮಾಧಾನ ಪಟ್ಟು ಕೊಳ್ಳಬೇಕೋ ಒಂದು ತಿಳಿಯುತ್ತಿಲ್ಲ . ನೋಡಿ ಇಲ್ಲಿ ಪ್ರೀತಿಯ ಬಲೆಗೆ ಬಿದ್ದವರು ಒಂದೇ ದೇಶಕ್ಕೆ ಸೇರಿದ್ದರೆ ಹೇಗೊ ಏನೋ ನಿಭಾಯಿಸಿ ಬಿಡಬಹುದಿತ್ತು ಆದರೆ ಎಂದು ಅರ್ಧಕ್ಕೆ ಮಾತು ನಿಲ್ಲಿಸಿ ಮತ್ತೆ ಮಾತು ಮುಂದುವರೆಸುತ್ತಾ ,
ಇಲ್ಲಿ ಮದುವೆ ಅನ್ನುವುದು ಹುಡುಗ ಹುಡುಗಿಯರ ಸ್ವಂತ ಇಚ್ಛೆಗೆ ಸಂಬಂಧಿಸಿದ್ದು , ಇಲ್ಲಿ ಯಾರ ಕಡೆಯ ಬಂಧು ಬಳಗ ಇಲ್ಲವೆ ಅವರ ತಂದೆ ತಾಯಿಯರ ಒತ್ತಡ ಅಭಿಮತವಾಗಲಿ ಯಾವುದು ಕೂಡದು . ಆದಾಗ್ಯೂ ಇಲ್ಲಿ ಹುಡುಗನ ತಂದೆ ತಾಯಿ ಇಬ್ಬರು ಒಪ್ಪಿದ್ದು ಸರಿಯಷ್ಟೇ . ಸರ್ಕಾರ ಇವರಿಗೆ ಹೆಗಲಿಗೆ ಹೆಗಲು ಕೊಡಲು ಎಂದೆಂದು ಬದ್ಧವಾಗಿರುತ್ತದೆ . ಇದರಲ್ಲಿ ಎಳ್ಳಷ್ಟು ಅನುಮಾನಕ್ಕೆ ಆಸ್ಪದವಿಲ್ಲ . ಅಂತೆಯೇ ಹುಡುಗಿ ಕಡೆ ಸಹ ಇದೆ ರೀತಿ ಸಹಕಾರವನ್ನು ಅಲ್ಲಿಯ ಸರ್ಕಾರ ಮತ್ತು ಅವರ ಬಂಧು ಬಳಗದವರ ಕಡೆಯಿಂದ ನಾವು ನಿರೀಕ್ಷಿಸುತ್ತೇವೆ . ಎಂದು ಭಾರತದ ಗೃಹ ಮಂತ್ರಿಯು ಮಾತಿಗೆ ಮೊದಲೇಂಬಂತೆ ಓಂಕಾರವಿತ್ತರು .
ಸರ್ , ಪ್ರೀತಿಗಾಗಿ ಅಂದರೆ ಈ ಪ್ರೇಮಿಗಳನ್ನು ಒಂದು ಮಾಡುವಿಕೆಯಲ್ಲಿ ಸರ್ಕಾರದ ಈ ಪಾತ್ರದಲ್ಲಿ ಏನಾದರೂ ನಿಗೂಢಾರ್ಥವೆನಾದರು ಇದೆಯಾ ! (Aವಾಹಿನಿ ಪ್ರಶ್ನೆ )
ನಾಟ್ ಎನಿ ಪಾಸಿಬಲಿಟೀಸ್ ಹೈಡ್ ಹಿಯರ್ ಇನ್ ದಿಸ್ ಮ್ಯಾಟರ್ . ನೋಡಿ ಇದರ ಹಿಂದೆ ನೀವುಗಳು ಅಂದು ಕೊಂಡಂತೆ ಹಸಿಶುಂಠಿಯಾಗಲಿ ಇಲ್ಲವೇ ಒಣ ಶುಂಠಿಯಾಗಲಿ ಹಾಗೆ ಅದರ ವಾಸನೆಯಾಗಲಿ ಏನು ಇಲ್ಲ . ನೀವೇ ಅನ್ಯತಾ ಏನೇನೋ ಕಲ್ಪಿಸಿ ಕೊಂಡು ಇಲ್ಲ ಸಲ್ಲದ ವಿಚಾರ ಜನತೆಗೆ ತಿಳಿಸಬೇಡಿ ಎಂದು ದೃಢವಾಗಿ ಗೃಹಮಂತ್ರಿ ನುಡಿದರು.
" ಸಾರ್ ಪಾಕ್ ಸರ್ಕಾರವು ನಿಮ್ಮ ಈ ಪ್ರಸಾರವನ್ನು ನೋಡಿದ ಮೇಲೆ ಏನಾದರೂ ಸಕಾರಾತ್ಮಕವಾಗಿ ಒಪ್ಪಿತು ಅನ್ನಿ , ಆಗ ಮುಂದೆ ಎರಡು ದೇಶಗಳ ಬಾಂಧವ್ಯದ ಬೆಳವಣಿಗೆಯ ಪರ್ವ ಅಥವ ಬೇರೆ ಇನ್ನಾವುದೋ ರೀತಿಯಲ್ಲಿ ಏನನ್ನಾದರು ನಿರೀಕ್ಷಿಸಬಹುದು ಎನ್ನುವಿರಾ ! " ಎಂದು A ವಾಹಿನಿಯು ಗೃಹಮಂತ್ರಿಗೆ ನೇರವಾಗಿಯೇ ಪ್ರಶ್ನೆಯ ರೂಪದಲ್ಲಿ ಬಾಂಬ್ ಒಂದನ್ನು ಎಸೆಯಿತು .
ಈ ಪ್ರಶ್ನೆಗೆ ಯೋಚಿಸುತ್ತಾ ಭಾರವಾದ ದ್ವನಿಯಲ್ಲಿ " ಹಾಗೆ ಏನನ್ನು ಹೇಳಲಾಗದು . ಹಿಂಗೆ ಆಗುತ್ತೆ ಅಂತ ಕರಾರು -ವಕ್ಕಾದ ಉತ್ತರ ಹೇಳುವುದು ಹೇಗೆ ?ಕ್ಷಣ ಯೋಚಿಸುತ್ತಾ , ನಿಜ ಮುಂದೆ ಎರಡು ದೇಶಗಳ ನಡುವಿನ ಪರಿಸ್ಥಿತಿ ಸುಧಾರಿಸಬಹುದು ಇಲ್ಲ ಬಿಗಡಾಯಿಸಲುಬಹುದು . ನೋಡಿ ನೀರಿಗಾಗಿ ಹೆಣ್ಣಿಗಾಗಿ ಮಣ್ಣಿಗಾಗಿ ಯುದ್ದ ಆಗಿರುವ ನಿದರ್ಶನಗಳು ನಮ್ಮ ಮುಂದೆ ಬೇಕಾದಷ್ಟು ನೋಡಿದ್ದೇವೆ ಇತಿಹಾಸದ ಪುಟಗಳಲ್ಲಿ ಅಲ್ಲವೇ ?
ಬಹುಶಃ ಈ ಮದುವೆಯಿಂದ ಇಲ್ಲವೇ ಈ ಹೆಣ್ಣಿನಿಂದ ಮುಂದೆ ಎಂದಾದರೂ ಈ ಎರಡು ದೇಶಗಳ ನಡುವೆ ಯುದ್ದ ನಡೆಯಲುಬಹುದು ಅಲ್ವಾ ! ಹಾಗಾಗಿ ಯಾವುದನ್ನು ತಳ್ಳಿ ಹಾಕುವಂತಿಲ್ಲ " ಎಂದು ಗೃಹಮಂತ್ರಿ ಉತ್ತರಿಸಿದರು . ಹಾಗೆ ಮತ್ತೆ ತನ್ನ ಮಾತುಗಳನ್ನು ಮುಂದುವರೆಸುತ್ತಾ
ಇಲ್ಲಿ ವ್ಯಕ್ತಿಯಾಗಲಿ ಸಂಸ್ಥೆಯಾಗಲಿ ಮಾಡುವ ಕೆಲಸ ಮುಖ್ಯವಲ್ಲ . ಆ ಕೆಲಸವನ್ನು ಮಾಡುವಾತನ ಯೋಗಾ ಮತ್ತು ಯೋಗ್ಯತೆ ಕೆಲವು ಬಾರಿ ಮುಖ್ಯವಾಗುತ್ತೆ ಎಂದು ನನಗೆ ಇಲ್ಲಿ ಅನ್ನಿಸುತ್ತೆ . ಏಕೆಂದರೆ ಏಷ್ಟೋ ಕಡೆಗಳಲ್ಲಿ ಯೋಗವಿದ್ದವನಿಗೆ ಯೋಗ್ಯತೆ ಇಲ್ಲದಿರಬಹುದು ಅಥವ ಯೋಗ್ಯತೆ ಇಲ್ಲದವನಿಗೆ ಯೋಗ ಒದಗಿಬರಬಹುದು . ಆದರೆ ಅದು ಕೇವಲ ಕ್ಷಣಿಕ ಮಾತ್ರವೇ ಹೊರತು ಮತ್ತೇನು ಶಾಶ್ವತ ಅಲ್ಲ .
ಇದಕ್ಕೆ ಉದಾಹರಣೆ ಸಮೇತ ಹೇಳುವುದಾದರೆ , ನಮ್ಮ ಭಾರತದ ಇತಿಹಾಸದಲ್ಲಿ ಹುಚ್ಚು ದೊರೆ ಎಂದೇ ಪ್ರಸಿದ್ಧಿ ಆಗಿರುವ ತುಘಲಕ್ ದೊರೆ ಮಹಮದ್ ಬೀನ್ ತುಘಲಕ್ ಇಲ್ಲಿ ಪ್ರತಿಭಾವಂತನಲ್ಲ ಹಾಗೆಯೇ ( ಅವನು ಕೈಗೊಂಡ ಎಲ್ಲ ಬಗೆಯ ನಿರ್ಧಾರವು ವಿಫಲ ಆಗುತ್ತೆ ) ಆದರೂ ರಾಜನಾಗುತ್ತಾನೆ . ಅವನು ಯೋಗದ ಬಲದಿಂದ ರಾಜನಾದವನೆ ಹೊರತು ಯೋಗ್ಯತೆ ಇಂದಲ್ಲ .
ಹಾಗೆಯೇ ಇನ್ನು ಕೆಲವು ಸಿನಿಮಾ ನಟ ನಟಿಯರು ಸಹ ೫-೬ ಚಿತ್ರಗಳಲ್ಲಿ ಮೆರೆದು ಮಣ್ಣಾದವರು ಇದ್ದಾರೆ ಹಾಗೆ ಮತ್ತೆ ಕೆಲವರು ಕೊನೆವರೆಗೂ ಗೆದ್ದವರು ಇದ್ದಾರೆ . ಇದು ನಿಜ ಆಲ್ವಾ ! " ಎಂದು ಹೇಳುತ್ತಾ ಹಾಗೇ ಗೃಹಮಂತ್ರಿ ನಿಟ್ಟುಸಿರು ಬಿಟ್ಟರು .
ಈ ವಿಚಾರದಲ್ಲಿ ವಿರೋಧಪಕ್ಷ ಏನಾದ್ರೂ ಹೇಳುತ್ತಾ ಅವರ ನಿಲುವು ಏನು ? ಎಂದು A ವಾಹಿನಿ ಪ್ರಶ್ನಿಸಿತು .
ವ್ಯಂಗ್ಯ ನಗುವಿನೊಂದಿಗೆ , ಯು ಸೀ ಕೋಳಿ ಕೇಳಿ ಯಾರಾದ್ರೂ ಮಸಾಲೆ ಅರಿತಾರೇನು ? ಪ್ರೇಮ ವಿವಾಹ ಎಂಬುದು ಆ ಹುಡುಗ ಹುಡುಗಿ ಸ್ವಂತ ಇಚ್ಛೆಗೆ ತಕ್ಕಂತೆ ನಡೆಯುತ್ತೆ . ಇಲ್ಲಿ ಯಾರಿಗಾದ್ರೂ ಮಗು ಹುಟ್ಟಿದರೆ ಅದನ್ನು ಅದು ಯಾರೇ ಆಗಿರಲಿ ಸಂತೋಷ ಪಡುವ ವಿಚಾರ ತಾನೇ ! ಆದರೆ ಇದನ್ನು ವಿರೋಧಿಸುವ ಆತುರದಲ್ಲಿ ವಿಚಾರವನ್ನು ನಿಖರವಾಗಿ ಅರಿಯದೆ ವಿರೋದ ಪಕ್ಷವು ಇದು ಆಡಳಿತ ಪಕ್ಷದವರ ಕೈವಾಡ ಅಂದು ಬಿಟ್ಟರೆ ಪಾಪ ಅ ಹೆಂಡ್ತಿ ಗಂಡ ಮತ್ತು ಅವರ ಮನೆಯವರ ಪರಿಸ್ಥಿತಿ ಏನಾಗಬೇಡ ಒಮ್ಮೆ ಯೋಚಿಸಿ ನೋಡಿ , ಆಲ್ವಾ ! " ಎಂದು ಮಾತು ನಿಲ್ಲಿಸಿದರು ಗೃಹಮಂತ್ರಿ .
" ಸರ್ , ಒಂದು ವೇಳೆ ಈ ಮದುವೆ ಇಂದ ಎರಡು ದೇಶಗಳ ನಡುವೆ ಸಂಬಂಧ ಸುಧಾರಿಸಿತು ಎಂದಾದರೆ ,ಈ ಎರಡು ದೇಶವಾಸಿಗಳು ಏನೆಲ್ಲಾ ಅಂದುಕೊಳ್ಳಬಹುದು " ನೇರವಾದ ಪ್ರಶ್ನೆ A ವಾಹಿನಿ ಹಾಕಿತು.
" ಹು ನಿಮಗೆನೆನೆಲ್ಲಾ ಬೇಕು ಅನ್ನಿಸುತ್ತೋ ಅದನ್ನೆಲ್ಲ ಅಂದುಕೊಳ್ಳಿ " ಗೃಹಮಂತ್ರಿ
" ನಗುತ್ತಾ ಹಾಗಲ್ಲ ಸರ್ " A ವಾಹಿನಿ
" ನೋಡಿ ಇತಿಹಾಸದ ಪುಟಗಳಲ್ಲಿ ಇವೆರಡು ದೇಶಗಳು ದೊಡ್ಡ ದುರಂತ ಘಟನೆಗಳನ್ನು ದಾಖಲಿಸಿದೆ . ಒಂದು ವೇಳೆ ಹಾಗೇನಾದರೂ ಒಳ್ಳೆಯದೇ ಆದರೆ ಇದರಿಂದ ವಿಶ್ವಸಂಸ್ಥೆಯು ನಿಜಕ್ಕೂ ಮೊದಲು ಖುಷಿಯಾಗುತ್ತೆ .
ನೋಡಿ ಮುಖ್ಯವಾಗಿ ಭೂಗತ ಚಟುವಟಿಕೆ ಉಗ್ರಗಾಮಿ ಮಿಲಿಟರಿ ವೆಚ್ಚ ಕಡಿಮೆಯಾಗುತ್ತೆ . ಹಾಗೆ ಕೃಷಿ ಚಟುವಟಿಕೆ ಹುಲುಸಾಗಿ ಬೆಳೆಯುತ್ತೆ . ರಾಜಕೀಯ ಭದ್ರತೆ ಹೆಚ್ಚುತ್ತೆ ಹಾಗೇ ಎರಡು ದೇಶಗಳ ಅಭಿವೃದ್ದಿ ಪಥ ಹೆಚ್ಚುತ್ತೆ ."ಎಂದು ಗೃಹಮಂತ್ರಿ ಹೇಳಿದರು.
ಹೇಗೆ ಸರ್ ? A ವಾಹಿನಿ ಪ್ರಶ್ನಿಸಿತು
ಹೇಗೆ ಅಂದ್ರೆ ಭಾರತ - ಪಾಕಿಸ್ತಾನ ಎಂಬ ಎರಡು ಬೇರೆ ಬೇರೆ ದೇಶಗಳೇ ಇರೋಲ್ಲ . ಮುಖ್ಯವಾಗಿ ಮಿಲಿಟರಿ ವೆಚ್ಚ . ಪಹರೆ( ಗಡಿ)ಯೆ ಇಲ್ಲವೆಂದ ಮೇಲೆ ಪಹರೆ ಕಾಯುವ ಸೈನಿಕರ ಸಂಬಳ ಯುದ್ದೋಪಕರಣ ವೆಚ್ಚ ಭಯೋತ್ಪಾದನೆ ಹಾಗು ಇತರೆ ಚಟುವಟಿಕೆ ನಿಗ್ರಹಕ್ಕಾಗಿ ಮಾಡುವ ವೆಚ್ಚ ಇವೆಲ್ಲ ಉಳಿಯುತ್ತದೆ . ಆಹ್ ನೋಡಿ ಪ್ರತಿ ವರ್ಷ ಎರಡು ದೇಶವು ದೇಶ ರಕ್ಷಣೆಗಾಗಿ ಎನಿಲ್ಲವೆಂದರು ಸಾವಿರಾರು ಕೋಟಿ ರೂಪಾಯಿ ವೆಚ್ಚದಲ್ಲಿ ತನ್ನ ಬಡ್ಜೆಟ್ ಮಂಡಿಸುತ್ತೆ ಅದೆಲ್ಲ ಉಳಿಯುತ್ತೆ ಹಾಗೆ ಆ ಹಣವನ್ನು ಬೇರೆ ಕ್ಷೇತ್ರದ ಮೇಲೆ ಹೂಡಬಹುದು ಅಲ್ಲವೇ ! ಎಂದು ಗೃಹಮಂತ್ರಿ ಉತ್ತರಿಸಿದರು .
ಒಟ್ಟಾರೆ ಎರಡು ದೇಶಗಳ ಸಂಬಂಧ ಸುಧಾರಣೆ ಆದಲ್ಲಿ ಎರಡು ದೇಶಗಳಲ್ಲಿ ಇರಬಹುದಾದ ಈ ರಕ್ತಬಿಜಾಸುರರ ದಮನ ಆಗುತ್ತೆ ಹಾಗೆ ಶಾಂತಿ ಏರ್ಪಡುವ ಮೂಲಕ ಎರಡು ಜನಾಂಗ ಮದ್ಯೆ ಶಾಂತಿ ಹಾಗು ಪ್ರಗತಿ ಸಾಧ್ಯ ಈ ಮದುವೆ ಆಗಿದ್ದೆ ಆದಲ್ಲಿ ಎಂಬುದು ನಿಮ್ಮ ಮನದಾಳದ ಮಾತು ಆಲ್ವಾ ಎಂದು A ಟಿವಿ ಪ್ರಶ್ನಿಸಿತು .
ಹೌದು ನೂರಕ್ಕೆ ನೂರರಷ್ಟು ನಿಮ್ಮ ಮನದಾಳದ ಮಾತು ಸತ್ಯ ನೋಡಿ ಎಂದು ಹೇಳಿದರು ಗೃಹಮಂತ್ರಿ .
ಭಾರತ ಸರ್ಕಾರದ ಪ್ರತಿನಿಧಿಯಾಗಿ ನೀವು ಪಾಕ್ ಸರ್ಕಾರ ಹಾಗು ಎರಡು ದೇಶದ ಪ್ರಜೆಗಳಿಗೆ ನಿಮ್ಮ ಹೇಳಿಕೆ ಇದ್ದಲ್ಲಿ ತಿಳಿಸಲಿಚ್ಚಿಸುವಿರಾ,,A ವಾಹಿನಿ ಪ್ರಶ್ನಿಸಿತು
ನೋಡಿ ವ್ಯಕ್ತಿ ದೇಶ ಯಾವುದೇ ಆಗಲಿ ಇಲ್ಲಿ ಯಾರು ಯಾವುದು ಶಾಶ್ವತ ಅಲ್ಲವೇ ಅಲ್ಲ . ಗುಡ್ or ಬ್ಯಾಡ್ ಥಿಂಗ್ಸ್ ಎಲ್ಲರಲ್ಲೂ ಬರುತ್ತೆ ಹೋಗುತ್ತೆ ಆದ್ರೆ ನಾವು ಬಾಳುವ ಬಾಳಿದ ಬಾಳುತ್ತಿರುವ ರೀತಿ ಇದೆಯಲ್ಲ ಅದು ಮಾತ್ರ ನಮ್ಮನ್ನು ಚರಿತ್ರೆಯ ಪುಟದಲ್ಲಿ ದಾಖಲಾರ್ಹ ವಾಗಿಸುವ ಮೂಲಕ ನಮ್ಮನ್ನು ಅಮರರನ್ನಾಗಿಸುತ್ತೆ .
ಇಲ್ಲಿ ನೋಡಿ ಎಸ್ಟೋ ಸಾವಿರಾರು ವರ್ಷಗಳ ಹಿಂದೆ ರಾಮ ರಾವಣ ಇಬ್ಬರು ಇದ್ದರು . ಈಗ ಆ ಇಬ್ಬರು ಇಲ್ಲ ಆದರೆ ಅವರ ಹೆಸರು ಶಾಶ್ವತ ಆಗಿದೆ ಆಲ್ವಾ . ನೋಡಿ ಅವರನ್ನು ನೆನಪಿಸಿಕೊಳ್ಳುವ ರೀತಿಯಲ್ಲೂ ವಿಭಿನ್ನತೆ ಇದೆ . ಅಂದರೆ ಐ ಮೀನ್ ರಾಮನನ್ನು ನೆನಪಿಸಿಕೊಳ್ಳುವ ರೀತಿ ವಿಧಾನವೇ ಬೇರೆ ಅದೆ ರಾವಣನನ್ನು ಜಗತ್ತು ನೆನಪು ಮಾಡಿಕೊಳ್ಳುವ ರೀತಿಯೇ ಬೇರೆ ಆಲ್ವಾ . ಆದರ್ಶ ಪುರುಷ ಶ್ರೀರಾಮನಿಗೆ ಜಗತ್ತಿನಲ್ಲಿ ಹಲವು ಕಡೆ ದೇಗುಲಗಳಿವೆ ಆತ ಪೂಜಾರ್ಹ ಕೂಡ . ಅದೆ ರಾವಣನಿಗೆ ಅವನ ಸ್ವಂತ ಸ್ಥಳದಲ್ಲೇ ಆತನನ್ನು ದಿಕ್ಕರಿಸುವವರಿದ್ದಾರೆ ಅಲ್ಲವೇ !
ಈ ಕತೆ ಕೇಳಿ ರಾಮ ರಾವಣ ಬಾಳಿದಂತೆ ಬಾಳುವ ಎನ್ನುತ್ತಿಲ್ಲ ಈ ದಾರಿಯಲ್ಲಿ ಸಾಗಿದರೆ ಕೊನೆ ಪಕ್ಷ ನಾವು ಅವರಂತೆ ಪೂಜಾರ್ಹ ಆಗದಿದ್ದರೂ ನಮ್ಮ ಆತ್ಮಕ್ಕಾದರು ನೆಮ್ಮದಿ ಸಿಗುವ ಹಾಗೆ ಬಾಳಬಹುದಲ್ಲ ಎಂದು ಆಶಿಸುತ್ತಾ , ಭಾರತ ಸರ್ಕಾರದ ಈ ಒಂದು ಒಳ್ಳೆಯ ಕಾರ್ಯಕ್ಕೆ ಸದಾ ಸಿದ್ದವೆನ್ನುತ್ತ ಪ್ರಣವ್ - ಜೋದಾಅಕ್ಬರ್ ವಿಚಾರದಲ್ಲಿ ಪಾಕಿಸ್ತಾನದ ನಿರ್ಧಾರವನ್ನು ಕಾಯುತ್ತಿರುತ್ತದೆ ಹಾಗೂ ಇನ್ಮುಂದೆಯಾದರು ಎರಡು ದೇಶ ಒಟ್ಟಾಗಿ ಸಾಗುವ ಮೂಲಕ ಹೊಸ ಮುನ್ನುಡಿ ಬರೆದು ಹೊಸ ಶಕೆ ಆರಂಭಿಸುವ ಎನ್ನುತ್ತಾ ನನ್ನ ಈ ಮಾತು ಮುಗಿಸುತ್ತೇನೆ . ಜೈ ಹಿಂದ್ , ಜೈ ಭಾರತ್ ಮಾತಾ ಕೀ , ವಂದೇ ಮಾತರಂ .
ಎಂದು ಭಾರತದ ಗೃಹಮಂತ್ರಿ ತನ್ನ ಮಾತು ಮುಗಿಸಿದರು .
Category:Stories
Written by Nagaraj Kale
Writer